URCHIX CD Vol. 3
CHF 30,00
Kostenloser Versand
Wir sind mit 2 Titel auf der neuen URCHIX CD Vol. 3 dabei.
Kaufe jetzt die CD mit 24 Titeln von 12 Formationen!
Mir Stärneföxler bestöhnd us drü junge Musikante usem Aargau und Baselbiet. Mit zwöi Schwyzerörgeli und eme Kontrabass hei mir die gliichi Liedeschaft zur Ländlermusig. Bsunders de Musigstil „Fox“ hetts eus atoh - mir experimentiere gärn und probe mängisch bis tief id Nacht, sodass d’Heifahrt underem Stärnehimmel stattfindet. Dur das isch dr passendi Name Stärneföxler entstande.
NEU! Eusi Musig gits neu ufere CD!
Eusi Ufnahm isch im Rahme vo de Urchix Vol. III Produktion im Radio SRF Musigwälle gspielt worde.
Unter däm Link chasch du d'Sändig Potzmusig lose
Eusi Uftritt...
Örgeli Vorstellig für Chind und Jugendlichi
Mir hei im Rahme vom Schnupperweekend vom Nordwestschwizerisch Jodlerverband an Pfingschte dörfe go s Schwyzerörgeli vorstelle.
Chind vo 8 bis 18 Johr chönne über Pfingschte s Jodle, Fahneschwinge und Alphornblose schnuppere.
Do hei mir mit de Schwyzerörgeli au guet drii passt und e spannende Nomittag verbrocht!
Danke vill mol!
Adi erklärt s'Schwyzerörgeli
Details vo Innen...
Innenläbe vomene Örgeli
Instrumenten Probe
verschiedeni Örgeli, A und B gstimmt
Durstöbere do eusi Impressione vo Probe und Uftritt...
Klick uf >
Wär sind mir?
"Schwungvoll und immer miteme Lache im Gsicht isch dr Andreas mit sim Kontrabass - mit sinre "Perlä" derbii.
Är sorgt für s Tourefeeling vo dr Formation und fahrt am liebschte vo eus drei - wenn är chönnt mitem Car - an eusi Uftritt...."
Andreas - Kontrabass
"E zwöiti Stimm oder e schöni Melodie ide Begleitig - dört isch d Sandra in ihrem Element. Si spielt einigi Klassiker wo bi de Manne nid immer beliebt si und isch au im Jodel dehei, was mängisch zur spoter Stund z trääge chunnt. Wenn's um s Organisiere goht, denn isch d Sandra mit ihrem Computer am Start..."
Sandra - Schwyzerörgeli
"Dr virtuosi und experimentell Schwyzerörgeler Adi sorgt für mängi Lacher und forderet eus mit neue Idee und immer wieder spontane Änderige vo eusne Stück! D'Faszination Schwyzerörgeli und Ländlermusig, kombiniert mit neue Elemänt, sind em Adi sini Stärkene...."
Adi - Schwyzerörgeli
“Musig verbindet - ganz nach däm Motto si mir unterwägs und gniesse d'Ziit mitenand und düend das au gärn mit anderne Mensche teile. E so hetts scho wunderbari Begegnige geh...”
- Stärneföxler -
Impressione vo eusne Uftritt und Usflüg...
Typisch Stärneföxler....
S' Schwyzerörgeli, de Kontrabass und d'Begeischterig am Musig mache - das liggt eus am Härze!
Mir pfläge d Fründschaft unterenand und hei riesig Freud wie d Chemie stimmt....
Die Härzlichkeit und gueti Stimmig teile mir gärn mit andere Mensche, wenn mir unterwägs si... Mir freue eus au Di kennezlehrä!
